SUNDAY 05 DECEMBER 2021

SUN 00:00 Gweler BBC World Service (m00125q6)
Mae Radio Cymru'n ymuno â'r World Service dros nos. Radio Cymru joins the World Service overnight.


SUN 05:30 Linda Griffiths (m00125q8)
Dechreuwch eich dydd Sul yn sain dewis cerddorol Linda Griffiths, yn cynnwys ambell i garol Plygain a hithau'n fis Rhagfyr. Start your Sunday with Linda Griffiths' favourite music.


SUN 07:00 Sioe Frecwast (m00125sb)
Mirain Iwerydd

Cerddoriaeth ac adloniant gyda Mirain Iwerydd. Music and entertainment breakfast show with Mirain Iwerydd.


SUN 10:00 Swyn y Sul (m00125jk)
Robat Arwyn

Y cerddor a'r cyfansoddwr Robat Arwyn gyda'i ddewis o gerddoriaeth amrywiol ar gyfer bore Sul hamddenol.


SUN 12:00 Yr Oedfa (m00125jm)
Meurig Llwyd - Oedfa ail Sul yr Adfent o Iwerddon

Ar ail Sul yr Adfent rydyn ni'n parhau gyda'r gyfres o oedfaon o wledydd Celtaidd gan ymuno gyda Meurig Llwyd mewn oedfa o Iwerddon. Mae'r Oedfa yn ein tywys at hanes y sant, Brendan y Morwr a Ioan Fedyddiwr a thaflu golwg ar natur teyrnas Dduw a'r greadigaeth newydd.


SUN 12:30 Bwrw Golwg (m00125jp)
Trafod ethol Archesgob yr Eglwys yng Nghymru, natur arweinyddiaeth a hanes y Cylch Catholig

John Roberts yn trafod:-
Ethol Archesgob yr Eglwys yng Nghymru gan edrych yn ôl ar y 13 Archesgob a gafwyd gydag Enid Morgan a Densil Morgan;
Natur arweinyddiaeth eglwysig gyda Rosa Hunt, Dafydd Elis Thomas a Geraint Tudur;
Hanes y Cylch Catholig gyda Sue Roberts;
a ffydd y dylanwadwr cyfryngau cymdeithasol Mikey Denman.


SUN 13:00 Beti a'i Phobol (m00125jr)
Laura Karadog

Cawn glywed am fagwraeth Laura yn Nhal-y-bont, ger Bangor a'i chyfnod hapus yn Ysgol Llanllechid ac Ysgol Dyffryn Ogwen a'i thaith yn 12eg mlwydd oed i Czechoslovakia. Mae hi'n sôn am y profiad o fyw yn Tokyo, gweithio yn San Steffan a'i chyfnod yn Philadelphia yn dysgu mwy am y Crynwyr. Fe fu'n brwydro'r clefyd anorecsia yn ystod ei chyfnod yn y Brifysgol yn Aberystwyth, a dyna wnaeth iddi droi at Yoga. Erbyn hyn mae hi'n byw ym Mhontyberem ar ôl cyfnod o fyw gyda'r teulu yn Llydaw. Mae hi'n rhannu straeon rif y gwlith ac yn sôn am ei phrofiadau personol, yn ogystal â dewis ambell i gân sydd wedi creu argraff, o Bendigeidfran gan Lleuwen i 'This is Me' - Cân allan o’r sioe The Greatest Showman.


SUN 14:00 Cofio (m00125jt)
Nadolig

Ydech chi'n cofio Mordecai, Meical, Sera, Carys a Sam? Mae'r ffilm "Y Dyn Nath Ddwyn Nadolig" yn un o glasuron yr ŵyl a Caryl Parry Jones sy'n sôn am un o ganeuon o'r ffilm o 1985, sef Ffynnon Ffydd, a oedd yn cael ei chanu gan Siwan Bowen Davies.
Mae Dewi Pws ac Ifan Gruffydd yn y parti nadolig a'r diod yn llifo yn rownd y geiriau mwys ar y gêm banel Dros Ben Llestri.
Plant ysgolion Cymru yn ateb cwestiynau mawr y tymor. Be ydi angel? Ble mae Sion Corn yn byw? Disgyblion Ysgolion Pant Pastynnog, Prion; Maenofferen, Blaenau Ffestiniog; Bro Hyddgen, Machynlleth; Treganna, Caerdydd a Gwenllian, Cydweli sy'n mynd i hwyl yr ŵyl.

Mi fydd y dyn barfog yn ei siwt goch yn brysur iawn rhwng Rhagfyr y 24ain a'r 25ain yn gadael anrhegion i blant bach da o gwmpas y byd. Richard Hughes sy'n sôn am swydd bwysig iawn sy' ganddo yn ardal Porthmadog yn y dyddiau yn arwain i fyny at Rhagfyr 25ain, sef rhoi cymorth i Sion Corn!
Cyfle i baratoi am Ŵyl y Geni ydi'r Adfent a dyma'r Gwir Barchedig Cledan Mears i esbonio mwy.

Cyfansoddi pennill ar gyfer cerdyn Nadolig oedd y dasg i wrandawyr rhaglen Hywel Gwynfryn, Pnawn Da ichi, nôl yn 1989. Nesta Wyn Jones oedd yn traddodi’r feirniadaeth a'r enillydd oedd Mary Richards, Cwmllinau – trip i Baris oedd y wobr!!

Dic Jones yn cofio plifio tyrcwns a Cassie Davies a’r criw yn canu geiriau Idwal Jones "Wishgit Wishgit Ffwrdd a ni...".
Len Rowlands yn sôn am hen draddodiadau yn ymwneud â Gŵyl y Geni ac yna stori ysbryd i gloi gan neb llai na T Llew Jones.


SUN 15:00 Hywel Gwynfryn (m00125jw)
Amrywiaeth o gerddoriaeth, yn ogystal â phytiau o raglenni Radio Cymru o'r wythnos a fu. Music and Radio Cymru programme highlights.


SUN 16:30 Caniadaeth y Cysegr (m00125jf)
Ann Griffiths

Modlen Lynch yn trafod gwaith Ann Griffiths. Congregational singing.


SUN 17:00 Stori Tic Toc (b095zdmp)
Y Corrach Bach Mawr

Mae Dafydd yn dal iawn, ac yn chwerthin am ben Cai oherwydd ei fod yn fyr iawn, felly mae Caradog y Corrach yn dod i chwilio amdano. A short story for young listeners.


SUN 17:05 Dei Tomos (m00125jy)
Canu cynulleidfaol gan y Cymry yn UDA

Yn gwmni i Dei mae Dean Powell sy'n trafod llyfr o'r enw 'A Nation of Singing Birds' am ganu cynulleidfaol gan y Cymry yn America.
Ffion Eluned Owen sy'n ymuno i drafod hanes y brodyr Ffrancis, dau frawd o Ddyffryn Nantlle oedd yn 'superstars' canu ysgafn eu dydd, tra bod Dyfed Edwards yn sgwrsio am ei nofel ddiweddaraf 'Bedydd Tân'. Hefyd, mae Sharon Morgan yn trafod un o etholiadau mawr y ganrif ddiwethaf yng Nghymru yn ei hoff gerdd.


SUN 18:30 Ar Lan Afon (m00125k0)
Yr Afon Teifi

Elinor Gwynn a Jon Gower sy’n crwydro glannau tair o afonydd Cymru yn hel ychydig o hanes, yn chwilio am bobl sy’n gweithio, yn hamddena, neu’n gofalu am afon a hefyd yn clywed gan y rheiny sydd wedi eu hysbrydoli i ysgrifennu awdl neu lyfr cyfan am eu hafon arbennig nhw.

Yr wythnos hon maent yn crwydro’r afon Teifi yng nghwmni bardd, hanesydd, dawnswraig a chaiacwyr.


SUN 19:00 Sioeau Cerdd Steffan (m00125k2)
Cerddoriaeth o sioeau cerdd a sgyrsiau gyda rhai o sêr y presennol a'r dyfodol gyda Steffan Hughes.

Yn gwmni i Steffan y tro hwn, cantores ifanc o Gaerdydd, Nansi Rhys Adams, a hefyd Lynwen Haf Roberts sy'n serennu ym mhantomeim roc a rôl Theatr Clwyd eleni.


SUN 20:00 Ar Eich Cais (m00125k4)
Rhys Meirion yn darllen cyfarchion ac yn chwarae ceisiadau. Rhys Meirion reads greetings and plays requests.


SUN 21:00 John ac Alun (m00125k6)
Cerddoriaeth a sgwrsio i gloi'r penwythnos. Music and chat to bring the weekend to a close.